無人店


個人分享
Tagged With: , , , , , , , , ,

「監控」

亞馬遜推出嘅首間無人商店 Amazon Go 係當地時間一月二十二日正式營業。Amazon Go 位於亞馬遜西雅圖總部,而店鋪佔地一千八百平方英呎。店舖為消費者提供日常生活雜貨,飲品同飯盒等。顧客只需要係入去店鋪嘅時候掃瞄一下手機,店鋪就可以透過大量嘅監控鏡頭同感應器,追蹤顧客手上嘅商品,並係顧客離開時自動由客戶嘅亞馬遜帳號中結算。認真方便快捷!

「無人」

如果一間店鋪入面只有貨品但係無人嘅話會係點?相信好多人都會質疑啲人入到去會唔會唔俾錢就走人。當然一間無人店嘅設計係要方便客戶之餘亦都要有相對嘅防盜設施。至於會唔會計錯錢,我相信仲有咁嘅可能性,因為就算人都會啦。不過無人店係未來嘅趨勢,但係相信好多國家都應該未可以百分百實行。真係分分鐘開店唔夠一日啲貨就已經俾人偷走晒!到時唔係無人店係無貨店!

「實行」

雖然無人店係希望簡化流程同客戶等待俾錢嘅時間,但係香港租金昂貴就真係未必可以推行到無人店。當然好多人會係網上購物,啲奶係始終無嗰種拎起睇下實物嘅感覺,所以有好多大嘅企業都有所謂嘅體驗店等客戶最起碼知道件產品會係點!未來嘅零售模式會係點無人知,只係如果再唔變嘅話,相信好快就會被淘汰。要無人店可以實行到嘅話,客戶嘅質素一定要非常之好,如果唔係真係會影衰晒佢哋睇!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]