影響性


個人分享
Tagged With: , , , , , , , , ,

「搜集」

相信好多人買嘢之前都會做好多資料搜集,不論係貨品嘅規格,設計,技術,價格,用戶口碑等等,先至會決定買唔買。要搵到嚟啲資料真係好容易,就算自己唔花時間去搵,只要你上社交媒體問一問,相信都會有好多朋友會回應你嘅問題。傳統銷售都係好睇嗰個推銷員嘅推銷能力,唔會好似依家咁可以上網睇晒所有資料,基本上一落到鋪頭就知道要乜!

「營銷」

今時今日買嘢好多時都會好容易俾人影響,當然用戶嘅體驗係更加有說服力,因為佢哋用過同試過,所以好多人遇到問題嘅時候都會問一問身邊嘅朋友,睇下佢哋有無用過同點樣評價件產品同服務。亦都係因為咁整個銷售嘅過程改變咗,複雜咗,而再加上朋友嘅影響,就算之前做咗幾多研究都好,俾朋友講講下轉軚都未定。所以到最後都係要件產品得先至做到口碑咁先至會多人會推廣!

「影響」

要去量度究竟朋友點樣影響決定係比較難嘅事,因為你未必知道過程中嘅每一個細節兩者所交談過嘅內容。無可否認嘅係朋友意見相對係比較可靠,但係每個人嘅要求都會唔同,所以最後都係要自己用過嘅先至最信得過!而家有好多網絡紅人都有一定嘅影響性,不過問題亦都係一樣,究竟點樣先至知道佢哋有幾大嘅影響力?講到尾做銷售嘅就係生意,無新意講乜都無用。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]