流感針


個人分享
Tagged With: , , , , , , , , ,

「流感」

每年香港都最少有兩個流感高峯期,好多家庭醫生都會建議小朋友同長者去打流感針。過往幾年流感而導致死亡嘅人數都唔少,分分鐘勁過沙士。好多時報紙報導嘅個案都係一兩日嘅事。所以做好預防措施係有必要,如果唔係等爆發嘅時候就已經太遲,因為就算你想打針都未必有。更何況而家有好多內地嘅人會嚟香港打針,一旦流感爆發嘅時候分分鐘香港唔夠流感針供應。

「病毒」

今年嘅流感病毒真係好犀利,尤其係乙型流感!每一日都有新增嘅個案,而且好多都係校園爆發。以前細個真係好少聽到感冒會死人,但係今時今日嘅病毒真係隨時得去我哋嘅性命。好多人都未必會去打流感針,因為覺得會有副作用等等嘅問題。而打咗針係唔係就代表唔會中流感病毒?其實流感針係預防突發性嘅病變所引起嘅嚴重併發症,打咗之後仍然需要兩個星期先至會有效!

「打針」

近日所聽到嘅個案都係爆發性,尤其係學校!而今年嘅乙型流感好似專係針對小朋友,所以就算你無病都好,如果有小朋友嘅話,返學都係戴返口罩穩陣啲。當然學校亦都需要有措施去預防流感爆發,真係唔好睇少而家啲病毒。如果一旦小朋友發燒嘅話真係唔好拖,立刻去睇醫生或者去醫院做做快速測試。未打針嘅就應該盡快去打,只不過香港而家無晒流感針,最快都要二月先至有。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]