十六歲


個人分享
Tagged With: , , , , , , , , ,

「家貓」

自從郭大少出咗世之後,我哋真係小咗理大佬。有時真係覺得冷落咗佢,因為就連佢最鍾意瞓嘅窗台而家都好少去瞓,事關好多時怕啲貓毛搞到成床都係,影響郭大少。與此同時每日因為搞完郭大少同自己嘢之後已經好鬼攰,所以真係好耐無同佢玩佢最鍾意嘅毛毛棒。當然佢知道我哋忙,所以都好少搞我哋,而到咗夜晚佢通常都會坐埋一邊陪我做嘢,有時真係有啲虧欠咗佢!

「十六」

我家大佬已經十六歲,而郭大少都開始會同佢講嘢,有時我去拎嘢食俾佢嘅時候,郭大少就一定要佢自己嚟!當然我亦都俾佢試下同照顧下大佬啦。其實大佬真係怕咗佢,因為有時玩到好興奮嘅時候,大佬會走開避開佢,但係郭大少依然鍥而不捨咁搞佢。如果比著以前我相信大佬已經出咗爪好耐!只不過佢真係好錫郭大少,最多都係自己行開。希望你繼續陪伴我哋同細佬!

「陪伴」

每日見到佢自由自在真係好,當然最緊要係健康啦,話晒佢年紀都真係有返咁上下。而搬咗屋之後其實真係病痛少咗,有時有啲嘢真係唔到你唔信。唔驚唔覺佢佢陪伴咗老婆十六年,亦陪伴咗我七年,希望你繼續健健康康,開開心心咁過每一日。最希望嘅當然就係我哋可以花多啲時間陪你啦!你陪伴我哋之餘,其實我哋亦都應該要照顧你同陪伴你!生日快樂!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]