去應酬


個人分享
Tagged With: , , , , , , , , ,

「工作」

出嚟做嘢或多或少都要應酬,雖然唔係個個人都鍾意應酬,只不過有時真係好難避免。尤其以前係中國做嘢,老細叫到你又真係無得唔去,如果係客戶嘅話就更加唔駛講就一定要去。不過除咗工作之外,其實人生仲有好多應酬,尤其係自己搞嘅話,應酬係在所難免。好多時真係需要識多啲人,因為有好多嘢自己唔識,如果有人可以幫到你嘅話,好可能會事半功倍!

「應酬」

相信好多人都會認為出嚟做嘢識多啲人係一件好事,正所謂識人好過識字呀嘛!但係亦有人認為應酬係一件完全浪費時間嘅事。當然去乜嘢活動都應該要做一啲篩選,因為真係有啲活動係浪費時間。當然凡事有第一次,去下睇下見識下真係無妨。如果到最後真係啱嘅話,下次咪唔去囉,無乜嘢大不了。係香港真係有好多唔同嘅圈子,見識多啲有時係可以擴闊視野!

「突破」

當然唔係個個天生都鍾意去同人打交道,有時真係要鍛煉出來。當然有時真係會覺得某啲圈子會格格不入,就好似啱啱返嚟香港一樣,好多嘢都係要由零開始。依家時間少咗,無可能個個活動都要去,所以點樣篩選去邊啲活動真係要自己諗。當然最主要就係要認識多啲唔同界別同層面嘅人,而如果只係停留係自己覺得舒服嘅環境同圈子,有時好難突破。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]