創新高


個人分享
Tagged With: , , , , , , , , ,

「恒指」

大部份嘅香港人或多或少都有買過股票,就算無嘅話,你嘅強積金其實都會同股票市場掛鈎。當然好多人發達都係靠買賣股票,亦有好多人因為買賣股票而破產。香港經過好幾次嘅股災,所以好多人都經一事長一智,依家投資會好小心。不過近日個股市屢創新高,好多人仍然覺得個股市仲有排升,只不過睇返數據嘅話,其實真係好危險,雖然未必大跌市但係小心為妙。

「分析」

當然我唔係一個專業嘅股票分析員,亦都唔係啲乜嘢投資專家。只不過大家好似忘記咗股災嚟樣嘢!無嘢係會長升,所有嘢都有一個週期,好多人會話十年一個輪,而正正今年就係第十年。如果係數據分析嘅角度嚟講,爆破嘅機率係非常之高,不過邊個真係可以話一定升或者一定跌呢?所有投資都有風險,所以最好都係量力而為,如果唔係就變相係投機多過投資。

「數據」

股票當然係可以用單靠數據去做分析,但係可以影響股市嘅去向實在有太多因素,而最難去計算同分析係人嘅因素。就算有幾多數據都好,數據永遠係一個果,無人就無數據。最怕嘅就係啲數據係由人去計劃出嚟!如果係咁,就算你分析得幾叻都好,其實都無用!都係嗰句,做任何投資都有一定嘅風險,而任何嘅市場都有週期,無人可以寫包單聽日個股市唔會跌。


Also published on Medium.

Comments are closed.