強與弱


個人分享
Tagged With: , , , , , , , , ,

「長短」

相信大家出嚟社會做嘢都見過唔少工,通常都會被問到你嘅強項同弱項。咁究竟你又會點答呢?要了解一個人嘅長短,強弱唔係一時三刻嘅事,有時要係現實嘅環境去嘗試。一個團隊係要互相配合,互補長短,所以無需刻意強調自己嘅強項同輕輕帶過自己嘅弱項。用人唯才,無人係完美,而聰明嘅管理係用人嘅強項多於弱項。咁先至可以建立一個完美無瑕嘅團隊。

「面試」

如果面試嘅時候有人問你嚟個問題你會點答?面試你嗰個人係街度撞到你朋友,你會覺得你嚟位朋友會點形容你?而如果嚟位朋友其實同你不和,甚至絕交嘅話,你又覺得佢會點樣形容你?我相信你都會諗一諗,究竟人哋會點睇自己?當然人哋點睇你唔係最重要嘅問題,而係你自己覺你自己係個乜嘢嘅人。唔知有無人面試嘅時候俾人問過類似嘅問題呢?

「了解」

要係短短一個鐘頭去了解一個從未見過嘅人,其實難度非常之高!好多時都真係憑經驗,憑感覺。當然係面試嘅時候都希望透過唔同嘅問題令大家了解更多,而有時啲問題都離唔開個人同工作有關嘅問題。不過有時要再深入理解嘅話,一般嘅問題係好難達到目的。以前係大公司上堂嘅時候做以冰山作比喻,因為通常面試嘅時候只會接觸一啲表面嘅嘢。所以有時啲問題唔係要刁難你,只係想再深入咁了解多啲啫。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]