耐力賽

「賽車」

係香港要接觸賽車嚟項運動係一件極度困難嘅事!當然好多人都鍾意賽車,只不過香港就無咁嘅地方同條件去孕育賽車手。好多時要賽車就要去中國先至有正規嘅賽車場。之前係香港其實係有探討過係大嶼山興建賽車場,但係最終都被否決。但係邊個話香港人無能力係國際賽車賽事入面取得好嘅成績?香港都有好多職業嘅賽車手,只不過大家好少關注嚟方面嘅新聞啫!

「杜拜」

一場賽車賽事要賽足二十四小時,除咗挑戰戰車本身嘅能力之外,車手本身嘅體能一樣受到考驗!而今次杜拜嘅二十四小時耐力賽,如果有五個車手,平均每個人都要揸接近五個鐘頭。杜拜賽道長約五點四公里,一共十六個彎位,而今次香港有兩支隊伍出賽,最後係咁多支隊伍入面勝出。咁足以代表香港嘅車手係可以挑戰世界級嘅賽事!雖然今次因為技術性問題失去冠軍,但係相信佢哋會再接再厲!

「成績」

香港著名車手關兆昌,李英健,歐陽若曦,方駿宇同唐偉楓,組成最強土炮組合駕駛奧迪新戰車,為亞洲鳳凰車隊出戰GT4組別賽事。原本以五百五十二個圈跑完全程力壓另一支鳳凰車隊奪冠,但賽後被罰降至亞軍。車隊代表解釋,因為歐陽若曦今季車手評級由金變銀,駕駛時數超出銀級車手限制,而車隊當時未有發現,最終被罰降至亞軍。雖然賽會亦誤把歐陽若曦當作金級車手,但因車隊超出賽後半小時才提出上訴,無緣扭轉判決。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]