老人家


個人分享
Tagged With: , , , , , , , , ,

「時間」

時間過得真係快,以前大家經常講七十後,八十後,九十後。唔經唔覺而家啲零零後都慢慢踏入十八歲,再過多幾年佢哋就會踏足社會。時代唔同咗,每個年代都有唔同嘅生活環境,基本上只要問幾條問題你就知道嗰個人係啲乜嘢年代。就正如你問佢哋睇啲乜嘢卡通片長大,相信除非你有小朋友,如果唔係相信你都未必答得出。因為唔知幾多年無睇過卡通片!

「年代」

有時真係唔到你唔認老,時間真係過得太過快,相信我哋都好快會俾人淘汰。有時真係唔好以為自己嘅人生歷練多,工作經驗多,就以為自己啲嘢一定啱。世界已經唔同咗,繼續講以前真係無乜意思,因為世界每日都不停咁改變緊。當我哋質疑啲年輕人嘅時候,係唔係應該嘗試理解佢哋嘅世界。雖然一定唔會完全理解同認同,但係無可否認嘅係佢哋先至係未來嘅主人翁!

「老人」

每次睇到啲訪問,問啲唔同年代嘅人問題嘅時候,真係唔知好嬲定好笑。而家用面書嘅都係阿爸阿媽級,不過好多阿爸同阿媽都會為仔女開不同社交媒體嘅賬戶。當然包括我在內,相信到佢大個嘅時候,都唔知面書去咗邊。不過有樣嘢一定要買嘅就係佢個域名,因為唔買就會俾人買咗,之後想攞返就真係一件好難嘅事。點都好,做人係應該有自知之明!老人家!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]