老人家


個人分享
Tagged With: , , , , , , , , ,

「時間」

時間過得真係快,以前大家經常講七十後,八十後,九十後。唔經唔覺而家啲零零後都慢慢踏入十八歲,再過多幾年佢哋就會踏足社會。時代唔同咗,每個年代都有唔同嘅生活環境,基本上只要問幾條問題你就知道嗰個人係啲乜嘢年代。就正如你問佢哋睇啲乜嘢卡通片長大,相信除非你有小朋友,如果唔係相信你都未必答得出。因為唔知幾多年無睇過卡通片!

「年代」

有時真係唔到你唔認老,時間真係過得太過快,相信我哋都好快會俾人淘汰。有時真係唔好以為自己嘅人生歷練多,工作經驗多,就以為自己啲嘢一定啱。世界已經唔同咗,繼續講以前真係無乜意思,因為世界每日都不停咁改變緊。當我哋質疑啲年輕人嘅時候,係唔係應該嘗試理解佢哋嘅世界。雖然一定唔會完全理解同認同,但係無可否認嘅係佢哋先至係未來嘅主人翁!

「老人」

每次睇到啲訪問,問啲唔同年代嘅人問題嘅時候,真係唔知好嬲定好笑。而家用面書嘅都係阿爸阿媽級,不過好多阿爸同阿媽都會為仔女開不同社交媒體嘅賬戶。當然包括我在內,相信到佢大個嘅時候,都唔知面書去咗邊。不過有樣嘢一定要買嘅就係佢個域名,因為唔買就會俾人買咗,之後想攞返就真係一件好難嘅事。點都好,做人係應該有自知之明!老人家!


Also published on Medium.

Comments are closed.