教分析

「分析」

好多人都以為做數據分析一定同數學有關,但係其實好多時唔係話數學叻就一定分析得好。其實個重點係個流程!首先要知道數據係一個因果嘅關係,而啲數字係代表啲乜同點樣產生出嚟。如果源頭已經被污染,與此同時用一啲錯誤嘅數字做分析,其實一開始就已經錯晒。所以凡事要尋根究底,如果唔係數據係幫唔到你,反而到最後害咗你!

「教書」

近年教書真係變咗做自己嘅副業,當然自己亦都希望將咁多年係數據分析行業所學到嘅,再加上以前嘅工作之經驗可以令更多人了解數據嘅重要性。數據真係一樣好虛無縹緲嘅嘢,但係每日我哋所產生嘅數據係十分驚人。最重要嘅當然係點樣將數子變成一個動聽同可信嘅故仔。所以要先打好基礎,明白數據嘅黑白面。數學叻唔叻唔係最重要,有無數感先至係最緊要!

「計劃」

數據雖然唔係萬能,但係無數據就真係萬萬不能。原因係我哋已經生存係一個數碼嘅年代,所有人嘅行為其實好多都已經變成一堆堆嘅數字。要搵到有用嘅訊息其實計劃點樣收集數據係緊要過有無數據同點分析數據。如果連自己都唔知想分析啲乜,又或者唔知想睇到啲乜嘢結果嘅話,咁點樣去計劃所集你想要嘅數據呢?如果係咁嘅話,老實講數據未必幫到你!


Also published on Medium.

Comments are closed.