藏偽鈔


個人分享
Tagged With: , , , , , , , , ,

「法例」

香港法例第二百章刑事罪行條例第一百條第一段,涉及保管或控制偽製紙幣及硬幣嘅罪行:任何人知道或相信任何屬流通紙幣或受保護硬幣的偽製品的物品是上述偽製品,而保管或控制該物品,意圖將該物品作為真的流通紙幣或真的受保護硬幣行使或付給,或意圖將該物品交付另一人以由該另一人或其他人將該物品作為真的流通紙幣或真的受保護硬幣行使或付給,則該名首述的人即屬犯罪,一經循公訴程序定罪,可處監禁十四年。

「道具」

係好多電影入面都會有形形色色嘅道具,而稱得上道具就當然係假架啦!而為求逼真好多道具都模仿得似模似樣,就好似拍槍擊場面就當然會用到假槍。但係今日睇到新聞話有公司涉嫌管有道具銀紙被控告藏有偽鈔就真係聞所未聞。因為通常都會印有道具嘅字眼係上面,咁唔通拍戲用嘅假槍又會被控告藏有槍械咩?除非啲道具銀紙真係無印到道具嗰兩隻字係上面啦,如果唔係真係唔明點解要告間公司。

「案件」

控方指,首被告羅潤霖為拍攝微電影,透過電影製作組工作嘅證人吳欣淇,向次被告張偉全嘅道具公司借咗港幣一千萬元「道具銀紙」,之後羅潤霖遭警方搜車,警方發現嗰啲「道具銀紙」後,就羅潤霖提供嘅資料搜查張偉全嘅電影道具公司。之後再搜出二十二萬三千張「道具銀紙」。張偉全係警誡之下稱「因為我做道具,啲錢係我公司用來拍電影」。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]