一七年


個人分享
Tagged With: , , , , , , , , ,

「最差」

二零一七應該係我人生入面最差嘅一年!由頭到尾其實都唔知今年做咗啲乜,只係知道每一日都有唔同嘅問題要處理!真係可以話十個煲得一個蓋去形容。本來以為年尾可以好過返少少,點知到最後仍然仲未有啲乜嘢突破!雖然每日都希望用一個正面嘅心態去看待困難同逆境,但係每日得到嘅係無數嘅批評同責備。雖然嚟到今年嘅最後一日,情況依然未有改善,只係希望新嘅一年做返自己!

「捱過」

如果你問我今年有啲乜嘢只得開心嘅話,我相信一樣都未必講到。除咗身體疲累之外,心靈亦都好疲累!不過好多謝支持我,出手幫我同信任我嘅朋友,真係可以用雪中送炭去形容!無你哋嘅話今年真係唔知可以點算!今年可以話勉強捱完,慶幸嘅係年尾啲運氣好似好返少少。其實我而家嘅要求好簡單,就係可以開開心心,健健康康咁過每一日,做自己鍾意做嘅嘢就夠!

「失去」

當然今年最痛嘅係失去咗最親嘅爺爺,至今其實仍然完全未接受到,與此同時嫲嫲身體亦都有唔少嘅問題!真係想像唔到一個人一日要食二十隻藥,重要好多嘢都唔食得。所以希望大家係新嘅一年都可以身體健康!有時雖然希望可以好正面咁面對每一日,但係有時真係好難,難到一個位真係問自己究竟為咗啲乜。不過路係自己揀嘅,無得埋怨,無得返轉頭,只係希望明天會更好!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]