抑鬱症


個人分享
Tagged With: , , , , , , , , ,

「數據」

衞生署公布佢哋嘅統計資料,顯示每一百個香港嘅成年人就有三個患有抑鬱症,而長者嘅比例更高達百分之十。最大問題嘅係過半數嘅患者係完全沒有接受過任何適當嘅治療。咁究竟乜嘢係抑鬱症?抑鬱同一般情緒低落其實有啲乜嘢分別?一般情緒低落每個人都會經歷過,但係當情緒低落影響到個人生活或者他人嘅話就係病。治療此病的方法一般有兩種,一是藥物治療,另一是行為治療。

「抑鬱」

每個人每日都會有唔同嘅壓力,係香港咁壓逼嘅社會,好多人不自覺就會患上抑鬱症。當然抑鬱症有唔同嘅程度,但係如果嚴重嘅話係會有自殺嘅傾向。好多時我哋係唔會明白患有抑鬱症嘅人,而同患者對話嘅時候亦都要小心,因為好多時都以為講啲可以幫到佢嘅說話,但係實質上毫無幫助至於,更加影響佢哋嘅情緒。而點樣可以康復,其實真係冇靈丹妙藥,最後都係要靠佢哋自己。

「治療」

精神科醫生嘅角色係負責處方藥物俾患者控制情緒,令患者消除傷害自己或者他人嘅傾向,回歸正常生活嘅軌道。但係點解會導致患者墮入抑鬱嘅狀態?嚟個唔係精神科醫生嘅職責範圍,而係臨床心理學家。當接受行為治療之前,患者首先要回復穩定嘅情緒才能配合心理學家嘅療程。任何一個患情緒病嘅人,只要肯去看醫生,其實已好了一半,因為他證明佢哋已經開始從黑洞入面行返走出嚟。


Also published on Medium.

Comments are closed.