自信心


個人分享
Tagged With: , , , , , , , , ,

「自信」

出嚟做嘢自信心係好緊要,有時就好似一個氣場咁,你會感覺到嗰個人有無自信。而自信心係會影響工作嘅心態,與此同時決定你嘅成功與否。舉例,如果你面前有一個機會,而身邊嘅人都對你有信心嘅時候,咁其實會增加你嘅自信,所以無必要去質疑自己嘅能力。相反你被質疑嘅話,咁自己就更加要對自己有信心,唔好比人睇死,做到成績自然會改變其他人嘅睇法。

「自大」

做任何嘢都要有自信,當然有自信唔代表自大。兩者係有好大嘅差距同分別,亦都只係一線之差。真正有自信嘅人係可以感染其他人,相反自大嘅人會令人有討厭嘅感覺。通常自大嘅人都係無自信嘅人,做嘅所有嘢只係希望其他人會關注到自己,因而提升自己嘅存在感。有自信嘅人會迎難而上,亦都會把握機會去展示自己嘅能力,而唔係得個吹字!

「提升」

現實係好殘酷,因為好多時都未必樣樣嘢都會成功。雖然係會令人失望,只不過失敗係成功嘅必經階段。失敗俾我哋睇到自己不足嘅地方,等我哋知道點樣去改變。係逆境中能夠鍛練自己,等自己有更強嘅進取心而唔係阻擋自己嘅障礙。記得失意嘅時候要為自己打打氣,因為要相信自己唔好氣餒,學習逆來順受,吸取失敗嘅經驗同教訓,咁樣你嘅自信心就可以會慢慢提升。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]