關鍵字

「搜尋」

每個人每日最少都會用谷歌一次,而你記唔記得你自己曾經搵個乜嘢嘅資料,輸入個啲乜嘢關鍵字?谷歌其實就好似一間讀書館咁樣,佢將所有網上面嘅所有資料都收集係自己嘅數據庫入面,再通過唔同嘅方法去分門別類。而每年谷歌都會發佈當年最多人搜尋嘅關鍵字係啲乜嘢!好多人話香港人越嚟越少睇電視,雖然無實質嘅數據但係最起碼二零一七年最多人搜尋嘅關鍵字係同電視劇有關!

「年度」

谷歌香港公佈咗二零一七年嘅搜尋排行榜,究竟乜嘢關鍵字係香港人搜尋得最多?講真個結果真係有啲出乎意料之外,因為年度熱爆嘅關鍵字竟然係無綫劇集「降魔的」。當然睇完個結果之後,大家都會知道絕大部分嘅香港人究竟每日關心啲乜嘢。不過亦都有人話其實亦都反映咗香港人嘅質素。不過無論係點大家每日都會搜尋一次,而如果無咗搜尋器嘅話都咪話唔大鑊!

「關鍵」

關鍵字除咗反映咗每個地方嘅文化之外,其實現今所有嘅公司要係搜尋器突出自己,當中最重要嘅係要知道大家搜尋嘅時候用啲乜嘢關鍵字。雖然無人可以百分百知道谷歌係點樣將網站分門別類,但係有一點係可以肯定嘅就係谷歌通過文字去了解網站嘅內容。所以如果今時今日係谷歌用一啲同你公司有關嘅關鍵字都搵你唔到嘅話,其實真係有需要檢討下你嘅網站同數碼營銷嘅策略!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]