比特幣


個人分享
Tagged With: , , , , , , , , ,

「貨幣」

其實乜嘢係比特幣?相信絕大部分人都會以為係一種虛擬貨幣。但係點解咁多人關注?其實比特幣一個去中心化嘅虛擬貨幣,佢可以提供快速,便宜以及隱私嘅付款功能。比特幣係世界上第一個加密嘅電子貨幣,而加密嘅電子貨幣亦被稱為虛擬或者數字貨幣,係一種交易媒介。與此同時,比特幣利用加密嘅規則嚟控制貨幣嘅有效金額以及交易嘅驗證。

「價格」

近期好多人都會討論嘅應該係比特幣嘅價錢!因為比特幣嘅價格竟然去到史上高位,一個比特幣要一萬九千五百美元!講真係好誇張,只不過現時好多國家同政府都未確認嚟種貨幣。有危必有機,雖然今日好值錢,不過聽日會唔會一文不值就真係無人知!其實比特幣同炒股票一樣,而家個個去買,一旦泡沫爆破嘅話,相信好多人會損手爛腳。都係睇定啲先好!

「特點」

比特幣嘅特點包括:
去除中心化:比特幣係第一種分散式嘅虛擬貨幣,整個網路由用戶構成,無中央銀行。去中心化係比特幣安全同自由嘅保證。
全世界流通:比特幣可以係任何一部接接互聯網嘅電腦上管理。不管身處邊度,任何人都可以挖掘,購買,出售或收取比特幣。
專屬所有權:操控你嘅比特幣需要有你嘅私鑰,佢可以被隔離保存係任何存儲介質。除咗你之外無人可以獲取。
低交易費用:目前可以免費匯出比特幣,但最終對每筆交易將收取約一比特分嘅交易費以確保交易更快執行。
無隱藏成本:作為由甲到乙嘅支付手段,比特幣沒有繁瑣嘅額度同手續限制。知道對方比特幣地址就可以進行支付。
跨平臺挖掘:比特幣為技術人士所熱愛!可以係眾多平臺上發掘唔同硬體嘅計算能力。因此本身就已構成一種樂趣。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]