開戶口

「銀行」

仲記得啱啱開公司嘅時候,基本上只要行入去銀行話要開個戶口,跟住填啲資料然後基本上就可以開到戶口。但係今時今日就好唔同,好多要提供無數嘅資料,有啲仲要問你拎唔同嘅文件。如果你係一間新嘅公司,基本上要開戶口真係天方夜譚嘅事。最大問題嘅係有啲銀行要你存入最低戶口結餘,只不過試問一間新嘅公司又邊度有錢呢?而好多初創公司就連業務都未有,邊度搵啲錢比你呢?

「公司」

依家係香港開個公司銀行戶口真係要過五關斬六將!政府經常性話香港係一個好嘅營商環境,可以吸引好多世界各地嘅公司嚟香港。只不過要開公司就當然要去銀行開個戶口。雖然好多銀行都提供商業戶口,但係唔係話你想開就開。基本上依家好多銀行都要做個審批,閒閒地都要一頭半個月嘅時間。到最後仲要唔知道開唔開到戶口,嚟樣真係吹脹!

「戶口」

依家開個戶口就好似啲家長幫仔女去學校叩門咁,你要逐間逐間去約時間開公司戶口,有啲你一睇完個開戶要求就知道佢唔做細公司生意。雖然有幾間大嘅銀行經常標榜支持中小企或者初創公司,但係你去到又另外一回事。所以如果你唔介意駛少少錢嘅話,最好嘅方案就係去多幾間然後至少開兩個公司戶口,分散投資。因為而家佢哋真係可以無啦啦取消你個戶口。


Also published on Medium.

Comments are closed.