找卡數


個人分享
Tagged With: , , , , , , , , ,

「卡數」

相信好多人都有信用卡,而好多人都因為唔同嘅優惠而申請好多信用卡。有時又因為洗大咗搞到還唔到卡數,所以好多財務公司都會以低息貸款去還高息嘅卡數。當然與其要承擔高昂嘅利息,倒不如將唔同嘅卡數整合,將債務轉移到利息比較低嘅私人貸款。如果你唔再用信用卡消費嘅話,其實嚟個係一個比較精明嘅理財方法。只不過好多財務公司嘅廣告真係好有誤導性!

「財務」

當然借錢就梗係要還啦,但係財務公司嘅廣告真係好有問題!乜嘢叫做「一次過掃走啲卡數,咁就輕鬆得多啦!再去 Shopping 都冇問題!」呢?唔通清咗啲卡數之後唔駛還?繼續可以消費?其實嚟啲廣告所帶出嘅訊息係乜?點解可以買廣告鼓吹啲人無錢消費就可以去借錢?雖然有放債人條例,但係就無限制廣告嘅內容。唔知幾時政府先至會規管嚟啲廣告呢?

「廣告」

雖然政府已經出咗招,係財務公司持有嘅放債人牌照施加限制,要求所有借錢嘅廣告中加入忠告語句「借錢梗要還,咪俾錢中介」。感覺有少少似以前香煙廣告嘅警告字眼「吸煙危害健康」!不過真係有用嗎?就算加埋「借定唔借,還得到先好借」又點?重點係嗰啲廣告真係好誤導,其實係唔係應該規管財務公司買借貸廣告呢?講到尾借錢係需要還,千祈唔好借錢消費呀!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]