基本的


個人分享
Tagged With: , , , , , , , , ,

「基本」

其實有好多嘢都係好基本,尤其係尊重。要人尊重你,你先要尊重別人。當然尊重有好多個層面,但係做人做事「尊重」係好基本嘅嘢。好多時唔可以因為人哋嘅年紀而唔尊重佢哋,真係有啲人以為自己真係食鹽多過佢食米而唔尊重年輕過自己嘅人。相反亦都係,有好多年輕人唔知道點樣尊重長輩,做出一啲不敬嘅行為。所以無論你係咩嘢年紀都應該尊重別人!

「尊重」

工作咗近二十年,或多或少都有俾人唔尊重過,尤其係一啲比自己更有經驗嘅人。因為自己嘅年紀問題,好多時都會比佢哋質疑自己嘅能力。其實我好憎嚟啲人,所以當自己到咗一把年紀嘅時候,經常都要同自己講自己老啦,唔好再用自己嗰一套去質疑年輕嘅一代。當然時間證明一切,最後都係要靠自己嘅能力去改變嗰啲人嘅睇法而獲得應有嘅尊重。

「服務」

當然有時有啲人真係以為畀咗錢就大晒,連一啲尊重都無。有啲人會話客戶係永遠是對的,但係唔代表客戶可以唔尊重你!不過現實就係咁,好多人唔會將心比己。雖然做服務性行業好多嘢都係要逆來順受,但係作為客戶嘅時候亦都試想想如果當時嗰個係自己嘅話,你又會點呢?好多嘢你以為係好基本,但係偏偏越基本嘅嘢就係最難做到嘅嘢!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]