要搭𨋢

「設計」

係香港好多嘅設計都比較舊式,當初一定無考慮到啲人坐輪椅或者推嬰兒車。當你開始需要搭𨋢嘅時候尤其係去商場或者搭地鐵咁樣,唔係個個地方都有𨋢。就算有嘅話都要行到你傻,又或者超級唔方便。當然有啲新嘅設施會設計得好啲,但係始終無辨法去滿足雖求!所以如果非必要嘅活,希望大家可以俾有雖要嘅人用𨋢先,為他人着想一下,因為有一日你都有咁嘅雖要!

「搭𨋢」

好多地方都會叫啲推嬰兒車嘅人去搭𨋢唔好上扶手電梯。當然明白推嬰兒車上扶手電梯係一件非常危險嘅事,而好多人都會鬧啲家長點解唔去搭𨋢。不過鬧之前你應該去了解問題係邊,因為唔係啲家長唔明而係無辦法。首先啲𨋢好多都好細,基本上你等半個鐘都真係有機會入唔到。第二就係好多無需要搭𨋢嘅人都走咗去搭𨋢。第三就係基本上無𨋢,唯有焗住去上扶手電梯。

「問題」

其實除咗搭𨋢之外,好多時推嬰兒車仲有好多唔方便嘅地方。相信好多家長都會身同感受,因為真係有好多地方都係無辦法推到嬰兒車去。如果你有兩個小朋友嘅話就更加大獲。當然你話唔推嬰兒車用孭帶咪得囉,但係你試過孭住行一日睇下,更何況如果一個人帶兩個小朋友出街又點可能唔推嬰兒車呢?有時真係無辦法,香港好多地方真係無諗過俾人推車。雖然有地方已經開始改善緊,但係速度真係太慢啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]