新部落

「移民」

過去十年社交媒體嘅發展係好快,而大家每日上社交媒體已經變成咗習慣。每日係社交媒體睇到嘅訊息由當初朋友同朋友之間嘅狀態更新,到而家其本上亂到一個點差啲以為海外嘅朋友失咗蹤。畢竟社交媒體係媒體,而亦都因為每個人嘅個人喜好去推算你鍾意睇邊啲內容。其實好多時自己真正想睇同係社交媒體上睇唔睇到係兩回事。所以發生咗新一輪嘅移民潮!

「轉移」

每個人基本上每日都會上社交網站,但係有無發現社交網站越嚟越多無關痛癢嘅內容同負面嘅訊息霸佔咗。所以有一班人開始將自己嘅文章轉移到另外一個平台。好多人會覺得呢個平台會有少少似部落,但係當你用耐咗之後就會發現有唔同。雖然係外國已經興起咗一段時間,但係而家嘅中文內容仍然唔算太多。自己都只係將自己嘅文章抄一份過去,當做備份都好。

「改變」

其實有時好難係香港推動一啲新嘅平台,因為大多數嘅香港人真係好死板。如果唔係有啲乜嘢著數嘅話都真係誓死唔變,就好似社交媒體同通訊程式一樣。除非因為間公司執笠啦,否則我相信都冇乜可能令佢哋轉會。無論係點好多人都已經討厭社交媒體,因為真係可以好浪費時間。而想寫一啲有質素嘅文章,除咗自己開一個網站之外,其實 Medium 真係一個唔錯嘅平台。唔講你唔知其實嚟個平台係二零一二年嘅時候已經成立!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]