食米線

「米線」

好多香港人都好鍾意食米線,當然一講起米線就會講譚仔。點解會咁多人鐘意食米線呢?因為夠平民?相信唔止咁簡單!平均一碗米線嘅價錢係四十至五十蚊左右。而大家都應該會聽過人講,如果遇到一個肯同自己食譚仔嘅伴侶就真係好啦!咁其實究竟係啲乜吸引香港人咁鍾意食米線呢?因為真係有人去完旅行返嚟嘅第一件事就係去食譚仔!而一間米線嘅連鎖店經營被人收購,嚟個真係聞所未聞!

「譚仔」

做米線做到俾人收購其實真係好勁!上市嘅就有,收購好似真係第一次。雖然大家都知道譚仔米線之前因為家族理念出現分歧,所以先至分拆為譚仔同譚仔三哥。無論背後原因係點,而家因為俾人全面收購,真係再一次合併為一體。其實唔講唔知完來譚仔已經坐擁香港七成嘅米線市場。而三哥曾經係傳媒專訪時透露,平均每間分店日賣八百至一千碗米線,認真誇張。

「收購」

丸龜製麵母企東利多控股公布,繼五月收購譚仔雲南米線後,再出手收購本地米線界另一巨頭譚仔三哥米線,完成交易後,日資將會統一米線天下。年頭收購譚仔雲南米線,東利多控股已斥資約十億港元。譚仔三哥擁有五十六間分店,較譚仔雲南米線仲要多四間,加上靠平日目測,基本上無乜邊間三哥生意淡薄,收購價應該會超過十億港元。你都咪話唔勁!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]