低端人


個人分享
Tagged With: , , , , , , , , ,

「北京」

北京低端人口亦稱為北京低端勞動力,通常指生活係北京嘅低收入,低學歷,從事低端產業嘅人。低端人口嚟個詞語係北京市政府嘅文件中多次出現,亦係媒體及學者中廣泛使用。只不過因為涉嫌歧視嘅成份而引發爭議!其實每個地方都會有人係生活係貧窮線下,而亦都因為社會有階級之分,所以導致唔同階層嘅人有唔同嘅待遇。但係又無必要將所謂嘅低端人口趕盡殺絕呢?

「低端」

每個社會都會出現貧富懸殊嘅情況,但係就算幾貧窮都好,佢哋都有佢哋嘅生存權利。貧窮就代表低端?未必,佢哋嘅生活分分鐘比起中端同高端嘅好。點解人口要被標籤化?講到尾就係社會用金錢去定義社會嘅階梯。每個人都有佢哋嘅價值,但係如果一個政府都唔去幫助佢哋,返而因為不同嘅理由而要將佢哋口中嘅低端人口趕盡殺絕,咁真係一個負責任嘅政府嗎?

「問題」

北京市限制低端人口嘅做法其實遭到了輿論同學者嘅批評。國務院發展研究中心社會發展研究部副部長貢森認為,雖然過多嘅低端人口可能影響一個城市嘅外在形象,但係城市嘅包容性更重要,係內在美。如果過多嘅高端人口,所消耗嘅資源一定遠高於低端人口,而且必然加劇交通,住房同用水用地嘅問題。人民日報亦都指出,如果真係對所謂低端勞動力強制退出,結果必然係百姓生活變得極為不便,生活成本亦都會大幅提高。


Also published on Medium.

Comments are closed.