杜蕾斯

「推廣」

點樣先至叫做一個成功嘅推廣方案?當然除咗用最少嘅資源獲得最多嘅暴光率之外,其次就當然引起大眾嘅討論。現今嘅推廣模式基本上無乜時間可以俾你思考,因為信息發放得太快。如果唔即時作出反應,其實就已經證明咗個品牌相對落後,跟唔上潮流。與此同時要大膽至於亦都要確保自己嘅品牌價值,其實係相對比較困難。好容易就會變成公關災難。

「成功」

好多人一聽到杜蕾斯或者會諗起佢哋嘅產品,但係今年嘅感恩節佢哋係微博嘅宣傳策略就引起全球關注。而嚟一係列嘅宣傳真係令人睇到嘆為觀止,而杜蕾斯每隔一個鐘頭就發放一個新嘅廣告。撇除自己最後一個廣告之外,整整感謝咗另外十三個品牌。最重要嘅係其他品牌亦都禮上往來咁一邊回應,一邊利用嚟個機會去宣傳自己嘅產品。高質素嘅推廣真係好少係香港見到。

「感謝」

咁究竟杜蕾斯做咗啲乜?而其他嘅品牌又點樣反應?第一張佢哋感謝綠箭香口膠,「親愛的箭牌口香糖:感謝你。這麼多年,感謝你在我左邊,成為購買我的借口。你的老朋友,杜蕾斯。」之後綠箭亦有回應,「親愛的杜蕾斯,不用謝,有我,儘管開口。」而最後一張杜蕾斯就感謝「新老朋友們」,表示係過去同未來嘅日子入面,「一直你中有我,我中有你。」杜蕾斯一系列嘅感恩節宣傳就係到結束。


Also published on Medium.

Comments are closed.