校欺凌


個人分享
Tagged With: , , , , , , , , ,

「欺凌」

係每個地方都會有校園欺凌嘅問題,而欺凌都有好多層面。當然最嚴重嘅就係傷害到其他人嘅身體!不過相比起身體嘅傷害,心靈嘅傷害其實可以更加嚴重。心靈嘅傷害其實係可以好長遠,而且因為無傷痕,所以非常難察覺得到。如果小朋友唔講其實真係唔會有人知,所以父母真係需要花的時間去建立一個好嘅溝通橋樑。唔知大家曾經有無遇到過欺凌嘅問題,如果你曾經試過你會點?

「影響」

好多人覺得校園欺凌係一件好平常嘅事,但係事實上對小朋友嘅影響係好深。當然好多嘢作為家長同老師都未必可以百分百避免,只不過如果我哋可以用多啲時間去了解小朋友嘅話,其實係可以及早預防!但係如果學校自己本身都唔去處理係學校入面發生嘅欺凌事件,咁就有問題。小朋友成長嘅時候,大部份嘅時間都係學校,而如果學校都唔處理欺凌嘅問題,老實講佢哋仲可以話自己係辦學嗎?

「問題」

香港嘅欺凌問題其實都幾嚴重,問題其實在於香港嘅教育好多時都側重於學術方面,而且老師都好忙碌基本上無時間去同啲學生溝通。小朋友嘅發展應該係全面而唔係只係偏向某一方面,如果只係太過以學術嘅能力去作比較嘅話,好多時都會忽略咗其他方面嘅發展。所以香港嘅校園欺凌問題其實亦都係因為香港嘅教育體制。要改變唔係一件易事,某程度上亦都因為中國人覺得學術係最緊要。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]