西灣河

「成長」

我諗無人會唔知邊度係西灣河,細個嘅時候一家人住係康怡花園,去西灣河通常都係同嫲嫲一齊落去買餸。之後返到嚟香港大部分時間都係住係西灣河,所以由細到大自己基本上係港島東長大。好多人或者會覺得西灣河係一個比較舊嘅地區,但係其實如果你住過西灣河之後或者你有另外一個睇法。雖然西灣河話大唔大,話細唔細,但係就真係乜都有,真係一個好方便嘅一個社區。

「屋企」

西灣河真係可以話係一個幾特別嘅地方,原因在於真係好方便,如果唔係因為有郭大少嘅話,有時真係唔捨得搬走。每次返到去都覺得好似返到自己屋企咁,或者真係由細到大都基本上都住係同一個社區。因為西灣河係港島比較舊嘅一個地區,雖然近年有好多拆卸同重建,而基本上好多住係嗰度嘅都係老人家居多,但係就係一個好有人情味嘅地方,有舊香港嘅感覺。

「方便」

如果你遇到一個曾經住過係西灣河嘅人,相信佢哋都會講西灣河係一個包羅萬有嘅地方。如果你要掃街,咁當然就係去太安樓啦!如果要食糖水,咁就當然係去明記啦!如果要食茶餐廳,咁就當然係去百利啦!如果想食車仔麵,咁就當然係去超級無敵車仔麵啦!當然除咗食之外其實去邊都好方便,因為上去太古城又得,落筲箕灣又得,最重要嘅係近!所以真係要乜有乜。


Also published on Medium.

Comments are closed.