要取捨


個人分享
Tagged With: , , , , , , , , ,

「得失」

人生好多時都係不自覺嘅情況下變得好在意得與失,越係想得到嘅嘢就越得唔到,而越易得到嘅嘢就變得唔矜貴。人生就係獲得與失去之間慢慢成長,而要成長就當然要跌過,碰過先至會領略到珍惜自己所擁有嘅嘢。有時有啲嘢係唔可以強求,所以所以唔好執著一啲唔屬於自己嘅嘢。咁樣你嘅人生就會輕鬆啲,開心啲。或者你今日唔明,但係相信總有一日你會明白。

「選擇」

由出世開始,其實人生每一日都要作出唔同嘅選擇,而每個選擇都有得同失!無人可以百分百咁講自己選擇嘅嘢永遠係正確,因為每個選擇都有取捨,是對是錯只可以用時間去證明一切。就算呢一刻你覺得真係錯咗又如何,事關所有嘅選擇係無得返轉頭,唯一可以做嘅就係面對。或者當你回頭再睇嘅時候,你會覺得其實嗰陣時嘅選擇其實係無錯,而且感激當時自己所做嘅決定。

「心態」

心態,決定了咗我哋人生嘅狀態。如果你樣樣嘢都以平常心咁看待,你可以好寬容咁面對一切。有同理心,你就懂得點樣去體恤其他人。有包容心,你可以容納同接納人與人嘅各種差異。有謙卑心,你就知道自己不俗之處會不斷進步不會自滿。如果每日都只係將每件唔好嘅事同物放大嘅話,其實只會令心情更差,所有嘢都唔會做得好,所以凡事都要向好嗰方面睇。


Also published on Medium.

Comments are closed.