北極光


個人分享
Tagged With: , , , , , , , , ,

「極光」

極光嘅英文係以羅馬黎明女神之名「Aurora」命名。極光要係高緯度嘅天空中,帶電嘅高能粒子同高層大氣中嘅原子碰撞而造成嘅發光現象。係北半球觀察到嘅極光就稱為北極光,而南半球觀察到嘅極光就稱南極光。因為太陽嘅活躍週期為十一年,所以即係每隔十一年,太陽嘅活躍程度就會到達高峰。而係嚟個高峰期間,就正正係極光出現最頻繁嘅時間。

「必睇」

其中一個自己人生想去嘅地方就係去睇北極光。當然無人可以敢寫包單話你去到就一定睇到,因為有啲人去幾次都未必睇到一次。所以有時都真係要靠少少運氣!其實好多年前因為工作去過芬蘭,而家真係有少少後悔無去到睇北極光,而家要再去嘅話真係唔知要等到幾時,但係嚟啲咁壯觀嘅自然現象真係要去睇。不過好多人近年都選擇去冰島睇北極光,唔通真係容易啲睇到?

「影相」

去得睇北極光就當然要影相啦,但係真係零經驗,所以只可以單靠睇其他人分享點樣影北極光嘅資料。而最大嘅問題應該會係氣溫嘅問題,因為係零下嘅環境,電池會比起正常嘅情況消耗得更快,因此要準備多幾粒電池作後備。如果唔係到時影唔到相嘅原因係無電嘅話,真係會極之沮喪!與此同時要確保相機係冰冷嘅環境運作,所以唔用嘅時候要放係相機袋入面,因為唔係部部相機都可以抵受嚴寒嘅天氣。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]