共享業


個人分享
Tagged With: , , , , , , , , ,

「真偽」

而家嚟個年代個個都係到講共享,不論住宿,汽車,單車,等等。但係乜嘢先至真係叫做共享經濟呢?共享嘅目的唔係應該更有效去利用資源,但係依家嘅共享業好似有少少背道而馳,無善用資源不特止仲不斷浪費資源!咁嚟啲公司又點可以話自己係共享呢?當然有時真假共享係好難分別,但係只要細心留意嘅話其實唔難分。最主要係佢哋係唔係利用現有嘅資源定係買啲新嘢再扮分享資源。

「共享」

好多創新公司都會以共享經濟作為賣點,當然共享經濟嘅理念係在於將多出嚟嘅資源去分享俾其他人,咁就可以令資源充分利用。就好似汽車咁,大部份嘅私家車係五座位,而當使用嘅時候只有駕駛者本人,咁其餘嘅四個座位就會浪費咗。如果可以同時載多四個人嘅話,咁就可以善用同發揮汽車嘅經濟效益。當然唔係所有嘢都可以用共享模式運作,而好多人都未必鍾意將個人資產同人分享。

「失敗」

其實而家已經有好多共享嘅失敗例子,就正如共享單車。原本嘅構念雖然好好,但係執行上會遇到好多問題,而且因為構念爆破而導致好多單車被廢棄。所以本來係應該善用資源,到頭來竟然係更加浪費資源,咁所謂嘅共享仍然係共享嗎?講到尾都只係打著共享嘅牌頭而已。除此之外,共享仲有好多唔同嘅問題,例如安全問題,法律問題等等。雖然概念係好但係真係要發揮到最大效益其實真係仲有一段漫長嘅路。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]