判出去


個人分享
Tagged With: , , , , , , , , ,

「外判」

點解有時自己做到嘅嘢要外判出去做呢?相信好多人都有同樣嘅問題,但係如果從營運嘅角度嚟講,有時有啲嘢真係唔搵人搞唔得!因為如果你將啲時間去搞一啲對你無價值嘅嘢,其實只係浪費時間。唔係話你無可能做到,只不過如果你要用十分鐘做嘅嘢,人哋只係需要一分鐘嘅話,咁點解唔將啲嘢外判出去做呢?咁樣就可以將自己嘅時間空出嚟做其他嘅嘢!

「管理」

當然好多人對於外判出去會有啲抗拒,因為好似好難去管理,但係有一啲一板一眼嘅工作,一啲重複性而又或者只係跟蹤步驟去做嘅嘢,其實真係無乜嘢管理可言。係人力資源上面如果要聘請一個人,其實分分鐘用嘅錢同時間都被外判嘅多,所花嘅時間亦都唔少。所以點解好多公司都將一啲對自己公司業務毫無幫助嘅工作外判出去係因為唔想浪費時間同資源去管理。

「風險」

當然外判出去亦都有唔同嘅風險,以前係大公司嘅時候亦都遇見唔少咁嘅案例。最主要嘅問題其實係嚟自管理,而有時亦都因為慳成本導致質量問題。所以雖然外判出去好似可以乜都唔駛理,但係其實最好有人定期負責跟進同了解外判嘅工作狀況。至於有啲乜嘢真係應該外判出去?如果係細公司嘅話就當然係將法律,會計,人事同資訊科技相關嘅嘢交俾專業人士去處理。事關真係可以慳錢慳時間。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]