適合嗎


個人分享
Tagged With: , , , , , , , , ,

「生活」

好多人打工係為咗生活,但係你而家嘅工作真係最適合你嗎?好多人或者會問乜嘢叫做適合自己,其實無他嘅,簡單嚟講就係你每一日係開開心心咁返工同放工!係現今嘅社會,要真係做到自己鍾意做嘅嘢,其實真係唔係一件易事。原因係每個人都有唔同嘅生活壓力,好多時就算知道份工唔啱自己,為咗生活通常都會有取捨。你而家嘅工作適唔適合自己?

「工作」

如果你嚟一刻可以同人講你每一都好期待聽日返工嘅話,我係度恭喜你!因為你搵到一份自己鍾意同適合你嘅工作!有啲人係讀書時期就已經開始定立自己將來嘅職業,而佢哋一做就做足一輩子,只不過當遇到突如其來嘅改變,佢哋未必可以接受嚟種嘅衝擊。當然有啲人一生不斷尋找適合自己嘅工作,而佢哋通常都逆來順受,經得起風浪。當然到最後乜嘢叫做適合就真係見仁見智喇!

「適合」

好多時搵工嘅時候都會遇到一啲問題,例如點解你會揀嚟份工?你五年之後想做啲乜?你嘅長處同短處?對好多香港人嚟講,如果工作係無啲乜嘢特別嘅意思同價值,講到尾都只不過係一份工作而已,因為每個月都只係為咗份人工而工作。每一年好多人都只係會諗今年加人工幾多,有幾多花紅,邊做邊搵,唔好裸辭。如果係咁就算俾你真係搵到一份適合嘅工作又點?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]