新零售

「零售」

乜嘢叫做新零售?其實簡單嚟講只不過係想網上零售同實體零售結合一齊,而當中所包括嘅人力資源,貨品,倉庫,物流等等。當然電子商務係未來嘅發展空間仍然會非常之快,而現時好多發展得快嘅行業例如旅遊相關嘅係主導,因為客戶最終所購買嘅產品同服務都有一個特定嘅標準。只不過有好多行業仍然有好大嘅發展空間,而實體店提供一個平台俾客戶去感受同了解產品嘅功能同質素。

「概念」

新零售係通過技術,數據同創新去拉近消費者同品牌之間嘅關係。傳統嘅零售業如果再唔改變嘅話其實好快就會被淘汰,原因係就算由傳統實體店成功轉型但係實質上只係將線下嘅業務轉移去另一個平台,因此整體業務其實未必有大嘅增長。雖然網店係可以面向一個更大嘅市場,但係如果無一個好嘅營銷嘅策略,其實真係好難拓展新市場。最終亦都係逃唔過被淘汰嘅命運!

「營運」

當然聽落新零售唔係一啲新嘅概念,到最後依然係講緊業務嘅點樣轉型去迎合新嘅消費模式。傳統零售雖然唔會完全被取代,只係慢慢係度衰退。唔講太遠,大家睇下蘋果,三星,索尼等公司,近年佢哋都推行實體體驗模式。消費者可以去到佢哋嘅實體店測試實體產品,但最後消費者可以選擇立刻購買或者之後再係網店購買。所以講到尾新零售係一個舊酒新瓶嘅一個營運模式而已。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]