做博客


個人分享
Tagged With: , , , , , , , , ,

「博客」

而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。

「影響」

最近睇過一份新嘅市場推廣嘅報告,入面提到出年嘅趨勢係透過網絡紅人嘅影響力嚟到做營銷。當然無可否認嘅係好多年輕嘅消費者再唔係好似以前咁追捧傳統歌影視嘅明星,相反嘅係不同媒體嘅網絡紅人。佢哋嘅影響力有時係超乎你同我嘅想像,所以有時要分辨邊啲係有收錢同無收錢嘅內容其實係一件幾難嘅事。除非當時人標明係廣告,如果唔係其實係有誤導性。

「市場」

做一個有影響力嘅博客其實真係唔容易,而好多時開始嘅時候,好多人其實一開始係無諗過會咁龐大嘅影響力。但係點解現今嘅巿場推廣需要利用嚟班網絡紅人?其實道理一啲都唔難明,因為廣告越嚟越無說服力,而個人第一身嘅體驗係更加重要。只不過當牽涉到金錢利益嘅時候就會出現矛盾,所以利用網絡嘅紅人作為一種推廣嘅手法係有得同失,根本同傳統市場嘅推廣手法一樣,只係平台唔同咗。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]