食老本

「業務」

相信好多人都會問究竟IBM而家究竟係一間乜嘢嘅公司?其實作為前員工,我都會問同一個問題。因為換咗行政總裁之後,老實講真係唔知做緊啲乜嘢。大部份人仍然停留係當年賣電腦嘅年代,只不過自從佢哋將整個個人電腦部門買咗俾聯想之後,其實就一直不斷轉型。當中最主要嘅仍然係諮詢服務為主,提供唔同嘅企業方案,而另一樣嘅就係人工智能。

「業績」

每次睇到娘家嘅業績真係有啲擔心佢哋,近年真係唔知佢哋做緊啲乜,雖然係度不斷轉型,但係好似仲未有一個好嘅模式。前幾年不斷收購唔同嘅數據分析公司,意圖發展大數據,而為咗配合儲存問題就收購雲端有關嘅公司。當然佢哋亦都開發自家品牌嘅人工智能,不過雖然已經好早就開始發展,但係係嚟兩個大範疇入面,佢哋好快咁俾亞馬遜同谷歌等公司超越咗。

「老本」

開源當然係一件好事,但係唔係一定有成果,而家基本上業務係靠食老本。再睇其他嘅競爭對手,佢哋反而轉型轉得非常成功,正所謂不進則退,希望下任嘅管理層可以改變現狀。如果唔係真係有可能重演九十年代嘅倒閉危機!改變唔係一朝一夕,好多時都係有少少賭大細嘅感覺。只不過如果方向錯咗就應該重新嚟過,當然最重要嘅係上面嗰班管理層要放手先至得,因為用舊嘅思維放喺今日多變嘅市場係行唔通。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]