別執著


個人分享
Tagged With: , , , , , , , , ,

「執著」

相信每個人都有自己嘅執著,有時某啲執著係好事,因為執著所以堅持,而堅持先至會成功。只不過有時執著亦都會變成絆腳石,所以好多時會反問究竟點解要執著。凡事都有兩面,所以好視乎你嘅執著係啲乜。執著可能係一個自我嘅要求,只不過過份執著又會被人視為頑固。因此點樣看待執著好睇個人,有時放低執著或者會令自己放鬆啲,開心啲,唔好因為執著而令自己陷入困局。

「要求」

曾經自己有好多野都好執著,但係最後發現嗰啲執著其實係有啲多餘,因為好多時執著係一啲唔應該執著嘅事情,到最後只會影響自己。當然唔係話要降低對自己嘅要求,只不過有時又無必要樣樣嘢都要做到滿分。就算你好努力咁做到滿分又如何?其實原來八十分就已經足夠,但係因為自己嘅執著堅持要做到滿分,有時辛苦自己,辛苦身邊人,真係值得嗎?有時候放開啲唔係一件壞事!

「放低」

放開自己多年嘅執著有時真係好難,但係最起碼要知道自己嘅底線,與此同時亦都唔好對自己同對其他人過份苛刻。執著係正確嘅地方係一件好事,相反可能會令你百上加斤。人生應該係輕輕鬆鬆,開開心心咁過,今日唔知聽日事,何必執著於一啲會製造煩惱嘅事上面呢。就正如銀有兩面,只係自己點樣睇同處理,要學識收放自如係需要經歷同時間嘅磨練。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]