亂咁噏


個人分享
Tagged With: , , , , , , , , ,

「廣告」

當然傳統嘅廣告同數碼廣告係會並存,而各有各嘅價值。係好多地方,投放係數碼媒體嘅廣告費已經超越傳統廣告!點解?原因好簡單,因為大家用手機嘅時間遠多過睇報紙,雜誌,電視,等等傳統媒體嘅時間。好多世界有名嘅報告都指出嚟一點!而有啲所謂嘅市場調查嘅公司有定期做調查,但係至於報告入面嘅數據如何收集同可信性就有好大嘅質疑!不過好多人唔會理會佢哋嘅可信性,仲用嚟做參考,真係害人不淺!

「電視」

哈?而家係咩嘢年代呀?竟然有一間係業界頗為有名嘅公司跑出嚟話好多公司嘅廣告費用轉投傳統電視廣告?其實嚟間公司都已經唔係第一次跑出嚟做一啲誤導市場嘅報告。係數碼嘅年代其實無一間公司會公開佢哋都放咗幾多資源落廣告!好多數據基本上係無辦法攞到,所以一個咁嘅報告睇落好數據化,但係由一開始啲數據就已經錯晒!唔該真係唔好亂咁噏當秘笈!就係因為你哋嘅垃圾報告搞到個市場亂晒!

「信任」

其實嚟間公司早前已經發佈過好多誤導市場嘅報告,但係點解咁多人會相信佢哋?其實係因為早年好多公司想知道佢哋投放嘅廣告費同自己嘅競爭對手有啲乜嘢分別,與此同時作唔同嘅參考。而且市場上只有佢哋做咁嘅報告!不過大家都知道啲數據係一個估算。至於係唔係電視廣告回勇?或者係某啲傳統行業係會投放多啲資源,因為佢哋嘅目標客戶依然會睇電視。點都好,希望佢哋唔好再亂咁噏!而大家睇報告嘅時候真係要留意數據嘅來源同可信性!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]