俾錢啦

「社交」

好多品牌為咗跑數都會好依靠面書嚟個社交平台去做推廣。好多時見到客戶嘅數據,大部份嘅用戶都係透過社交媒體已接觸到品牌嘅推廣同活動。每次我都會同佢哋講要改變策略,因為如果某一日面書改變玩法,甚至乎無咗嘅話,佢哋會點算?因為有時唔係錢唔錢嘅問題,睇過依賴第三方嘅平台做營銷唔係一個長遠嘅方法,始終控制權唔係自己手入面,況且年輕一代都已經唔係太過上面書,舊嘅營銷方法仍然奏效嗎?

「面書」

其實都唔係第一次講,有時太過專注一個平台去營銷,問題就會出現,因為今時今日做數碼營銷係講求平衡。單靠一個渠道去營銷,如果平台做任何改動同出現問題嘅話,最後因為渠道太過單一而影響營運。所以數碼營銷係需要一個更加立體嘅策略,雖然有時廣告費係要俾,但係亦需要知道幾時俾同俾邊個平台。而家面書話要你俾錢先會有人睇到你嘅嘢,其實就好似拎住把刀打劫咁,咁你俾唔俾?

「策略」

面書終於出招,以後只會係廣告先至會係用戶嘅動態消息出現,意味著如果你係一個專頁嘅話,唔俾錢係唔會有人見到。老實講就真係預咗會有咁嘅一日,因為始終好多公司嘅主要收入都係嚟自廣告。而好多品牌係過去幾年都投放咗唔少嘅資源去營運面書,只不過今次嘅改動真係影響更深遠。係唔係應該繼續投資落面書?定係應該探索其他營銷渠道同方法?如果你問我就當然係投資係內容營銷,因為最起碼好多嘢自己可以控制到!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]