我是誰


個人分享
Tagged With: , , , , , , , , ,

「你係」

有時真係喺度諗,究竟自己係人哋嘅眼中係個乜嘢嘅人。熟悉我嘅朋友都知道我好少會理人哋點睇自己,亦都好少理人哋嘅眼光。當然唔係指我獨行獨斷,而係有時何必要作比較?每個人都有自己嘅唔同,無論係背景定係生活態度,所以無必要去比較亦都無必要去理其他人嘅眼光。只會比較嘅人其實真係太過表面同太過膚淺。話雖如此,有時都好奇人哋嘅睇法。

「我係」

一年入面都會出席一啲唔同嘅活動,而好多時都需要自我介紹,尤其係公司演講同培訓課程。因為基本上無人會認識你,如果有網站或者場刊嘅話亦都只係會有短短幾隻字介紹你。所以一般都開始嘅時候會用少少期間介紹下自己,只不過有時都真係幾頭痕,因為唔知究竟要講幾多同應該講邊啲。好多時我都會以輕輕帶過,因為我想人哋記得我個品牌多過我自己。

「改變」

當然如果認真介紹自己嘅話,其實都只係工作方面嘅嘢,而好少人會出嚟介紹自己嘅日常生活喜好。不過老實講,有幾多人會記得你係一個問題,就算俾你好出名都好,又如何?你又唔會係啲乜嘢歷史人物,係唔會流芳百世嘅。所以點介紹自己唔係問題,最緊要係自己知道自己係邊個咪得囉。想知道人哋點睇自己其實唔係係件壞事,因為當中可以自己知道有啲乜嘢要改變。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]