雪中炭


個人分享
Tagged With: , , , , , , , , ,

「困境」

每個人一生都會遇到唔同嘅困境,但係當你有事嘅時候邊個會嚟幫你?當然無人有責任一定要幫你,好多時都會好客氣咁同你講幫唔到你。有時要開聲去搵人幫手唔係一件易事,人哋幫唔幫你係佢哋嘅個人選擇。但當有朋友會出手相救嘅時候你就會覺得佢哋雪中送炭,求你一命。嚟啲朋友真係兩脇插刀,真係多謝佢哋係無助嘅時候出手扶你一把。除咗感激之外真係唔知講乜嘢好。

「送炭」

當你順境嘅時候,一定有好多人係你身邊轉,但係佢哋會唔會噓寒問暖?當你逆境嘅時候,佢哋又去咗邊呢?而當你遇上逆境嘅時候,你就會好容易辨認出邊個係你嘅真正朋友。雪中送炭唔係個個人都可以做到,而當你處於危急嘅關頭,佢哋無條件咁出手援助幫你解困其實真係唔係理所當然嘅事。好多時都希望用盡自己嘅方法去處理所有嘢,但係總有技窮嘅時候。多謝雪中送炭俾我嘅朋友!

「崩潰」

人生嘅高山低谷唔係第一次經歷,但係低處未算低,可多時唔順起上嚟真係可以好得人驚。嗰種無助感真係唔容易去承擔,以為解決到一件事,點知仲有十件事去處理嘅時候,真係好令人沮喪。到最後真係都要同現實低頭,希望有人雪中送炭幫你離開困境。當然嗰一刻係可以抖一啖氣,但係有時真係一波未平一波又起,一浪接一浪。就算幾正面處理問題都好,其實都有崩潰嘅時候。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]