最後的


個人分享
Tagged With: , , , , , , , , ,

「再見」

終於都到咗送你最後一程嘅日子,再唔捨得都要同你講一聲再見。你突然嘅離去其實依然仍未完全接受,希望你去到世界嘅另一端繼續開開心心咁過每一日。咁多年嚟都無送過啲乜嘢俾你,希望最後嘅一份禮物你會鍾意。雖然心情依然沉重,但係見到你安祥,見到你微笑就已經足夠。我會記住你講嘅每一句說話,唔需要擔心我。你永遠都會係我心入面,永別了我最愛嘅爺爺!

「爺爺」

無諗過今日真係會打八號風球,好驚今日嘅儀式無辦法順利進行,不過最後都好順利咁完成所有嘢。嚟啲都係你嘅福氣!知道你鐘意安靜,知道你怕遠,所有嘢都一切從簡!而家只係差最後一件事就完成所有嘢,希望唔雖要你等太耐。今年就算幾難過都好,真係無嘢難得過要同你講再見。多謝你多年嚟嘅照顧,所有嘅回憶都會係我心入面永遠保存落嚟。好慶幸有你嚟一位咁疼錫我嘅爺爺!

「四代」

無諗過郭大少今日會主動去搵你,無諗過佢會問你去咗邊。慶幸嘅係你睇到佢出世,趕得及出院同我哋過佢嘅百日宴。當然最緊要嘅係我哋四代同堂,因為我知道你等咗嚟日好耐。相信你會係世界嘅另一面守護佢。可以為你做嘅嘢唔多,我只係做自己認為該做嘅事,希望你安心。雖然好多人話時間可以治療哀傷,但係一定唔係一個月嘅時間,因為每次諗起你都依然難過。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]