秋風起


個人分享
Tagged With: , , , , , , , , ,

「四季」

以前嘅香港,四季分明,但係近年就好似無咗春天同秋天咁。話熱就突然熱,話凍就突然凍。太陽落山雖然開始早,六點鐘已經開始黑,但係天氣就好似夏天咁。記得以前細個返學係會教春夏秋冬,而家啲教科書係唔係已經唔需要再教春秋嚟兩個季節呢?如果繼續咁落去,相信香港真係好快再唔會有春秋,只會有冬夏!雖然話鍾意夏天啫,但係今年真係太熱了!

「秋天」

今年香港真係好熱,天氣真係非常反常。都已經係十月中,天氣仲係非常炎熱,熱到好似夏天咁。天文台仲可以發出酷熱天氣警告!真係人都癲,都過咗中秋節,點解仲咁熱嘅呢?但係嚟兩日天氣又突然轉涼,朝頭早出去嘅時候突然覺得涼浸浸,終於都有返啲秋天嘅感覺。不過啲天氣真係奇怪到一個點,啲季節越嚟越唔明顯,話變就變,真係唔病就有鬼了!

「換季」

除咗夏天之外,自己最鐘意嘅就係秋天。因為香港嘅秋天一般都比較乾爽,氣溫又啱啱好,去行山就真係一流!不過自從郭大少出世之後就好耐無去行山了。雖然話香港十月都有機會打風,但係好似近年多咗。今日又打風直係唔知想點!真係俾啲天氣玩死!時熱時凍,時晴時雨,真係好易病!而家反而想冬天快啲到,最起碼知道著啲乜嘢衫先啦!出門口都係帶返件外套好啲!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]