使用者


個人分享
Tagged With: , , , , , , , , ,

「使用」

可能你聽過使用者經驗,但係有幾多人了解使用者經驗?其實每個人都會接觸到,只係大家覺得有啲嘢係理所當然。例如你去一間餐廳,入去嘅時候有無侍應招待你,間餐廳嘅環境如何,侍應嘅服務態度,嘢食嘅品質等等,每一環都會影響使用者嘅體驗。好多人其實將使用者經驗專注係某一個特定嘅範圍,但係往往就忽略咗其他地方嘅體驗。所以一個好嘅使用者經驗係會顧及整個使用嘅過程。

「經驗」

乜嘢係使用者經驗?有幾多人明白所涉及嘅範疇?簡單啲嚟講係一個人使用一件產品,系統或者服務嘅體驗。當然嚟個體驗唔係單一嘅體驗,好多時都係有連貫性。與此同時每個人都有唔同嘅感受,係唔同嘅情況下嘅互動亦有所唔同。當然無一個體驗係可以百分百滿足所有人,但係最起碼滿足到絕大部分嘅人。要設計出一個好嘅使用者經驗係需要顧及好多細節。

「方案」

要有一個好嘅使用者經驗就需要一個好嘅用戶體驗嘅設計。只不過好多公司都會忽略咗,導致唔同嘅營運問題。最好嘅例子就係麥當奴!而家係麥當奴買嘢有好幾種方法,有自助嘅,有叫完嘢跟住等嗌飛嘅,仲有就係叫完嘢跟住再排隊拎嘢嘅。咁究竟邊個係使用者經驗最好?其實真係各有長短,但係到最後每個人嘅經驗都會好唔同。好多時有啲嘢真係簡單複雜化!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]