大連市


個人分享
Tagged With: , , , , , , , , ,

「大連」

唔知有幾多人知道大連市係邊,最起碼十幾年前我真係連嗰名都未聽過。只係因為澳洲舊老細話有個位係大連,要一個人去管理一個新嘅團隊,所以就有前無後咁應承咗佢去大連。原本諗住只係去兩年攞經驗,點知一去就五年,不過亦都係事業發展得最快嘅五年。唔經唔覺真係離開咗近十年,一直都無機會再返去。事關都真係幾遠,而每一都只係得一班機係香港飛大連。

「發展」

自從離開咗大連之後都無同其中一個舊老細見過面,今晚難得佢係香港就約咗佢飲嘢。大家都會講起十幾年前係大連一齊工作嘅日子,有時真係好佩服佢,因為依然周圍飛。其實真係好多謝佢當年俾咗好多機會我,如果唔係有佢俾機會嘅話,一個做咗嘢幾年嘅後生仔邊度會有咁多發展空間。希望大家再有機會一齊工作,係佢身上真係學咗唔少嘢,而佢亦都係一位我好尊敬嘅老闆!

「十年」

當然咁多年之後我都唔知大連發展成點,不過最起碼知道依然有好多老朋友仍然係大連而且個個都發展得唔錯。其實大連真係不失係一個退休嘅地方,背山面海,最起碼以前覺得空氣好好,環境乾淨企理。或者因為有好多日本人係嗰度住,而最特別之處嘅係大部份嘅人都會學日文作為第二語言。相信如果再有機會返去嘅話,應該好多地方都已經唔認得。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]