談施政


個人分享
Tagged With: , , , , , , , , ,

「施政」

一份好嘅施政報告,除咗要解決社會問題之外,最重要嘅係要執行。如果單單只係寫出嚟,其實意義不大。好多都只係一個理想,到最後做唔做到先至係重點。好多時啲政策都係做啲唔做啲,有頭無尾,甚至乎無一個延續性。所以好多時係施政只為短期目標而缺乏長遠發展嘅目光,搞到香港人無所適從,更嚴重嘅係影響香港嘅競爭力同經濟發展。你又點睇今年嘅施政報告呢?

「報告」

新一份施政報告又出爐,今次係林鄭月娥上任嘅第一份施政報告。不過一如以往,作為中產嘅市民,又係一份唔係太關自己事嘅施政報告。今次最多人討論嘅係交通津貼,而以往大家好關注嘅房屋政策反而就少咗。雖然話會設港人首置上車盤,單人收入上限為三萬四千元元,二人或以上嘅家庭不超過六萬八千元,首階段提供約一千個單位。但係真係會令多啲人可以上車?

「關注」

講到一啲關自己事嘅嘢就當然係得稅兩級制。因為建議企業首二百萬嘅利得稅率減百分之五十,當然對中小企有幫助,尤其係我哋嚟啲細公司。而至於創新方面,其實繼續成立投資基金只會有更多人去利用嚟啲資源,但係成效就未必好好。睇下星加坡就係一個好好嘅例子!至於其他嘅政策都只可以話不過不失,但係點都好,到最後真係做到先算啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]