港收入


個人分享
Tagged With: , , , , , , , , ,

「問題」

究竟點解有咁多年輕人會走去做金融保險或者房地產?其實好多時唔係為興趣或者夢想,而係為咗一份可觀嘅收入。如果二十年前一個大學畢業生嘅人工係一萬蚊,而二十年後亦都係一萬蚊,咁究竟佢哋係唔係一樣搵咁多錢呢?其實年代已經唔同咗,市場物價又唔同咗,今時今日隨便食個飯都起碼要五十蚊,老實啲講,莫講話通脹都跟唔到,就算同樣嘅人工又點,變相則係搵少咗!

「收入」

係香港生活真係壓力好大,尤其係打工仔。如果安份守己打份工,真係連通脹都追唔到。所以好多時見到啲人不斷跳槽,為嘅只係希望可以加多啲人工,如果淨係靠每年嘅薪金調整基本真係無可能有安穩嘅生活。當然香港有好多人都會投資,但係投資唔一定有回報,邊個咁保證唔會蝕錢?睇返香港統計處嘅數據,老實講都真係覺得以前自己份人工真係已經非常唔錯。

「年代」

莫講話係我嚟代,其實真係唔可以將唔同年代嘅人比較,因為大家嘅生活環境都好唔同,經濟情況都好唔同。如果只係睇表面而去批評我哋嘅下一代,老實講你真係好膚淺。十幾年前同一個職位,同一個年資,而人工同今日嘅係一模一樣。就算講出嚟都覺得有少少唔妥!如果只係單睇數據而唔睇其他社會因素嘅話,其實真係無可能做對比。所以真係睇數據睇真相?


Also published on Medium.

Comments are closed.