單車節


個人分享
Tagged With: , , , , , , , , ,

「單車」

近年香港踩單車嘅風氣越嚟越旺,而每當單車節都有好多人報名參賽。今年有近五千名參賽者參加,而當中有一半挑戰五十公里嘅賽事。因為途經三隧三橋,即係長青隧道,青馬大橋,汀九橋,南灣隧道,昂船洲大橋同尖山隧道,所以沿途嘅風景真係平時只可以揸車經過。不過而家唔知自己嘅體能去到邊度,同時真係太多年無踩單車,如果唔係都想去參加。

「經驗」

其實係香港踩單車都真係幾危險,近年見到越嚟越多人踩單車,亦都間唔中出現唔同嘅事故。不過踩單車同揸車都係一樣,越踩得多,越多經驗,咁技術就會自然提升。當然好多人依家會選擇踩公路單車,而香港嘅公路莫講話單車,就算揸車都覺得啲路爛到爆。有碎石真係濕濕碎,最怕就係啲沙同啲氹。一個唔留神真係好容易出事,所以就算參加比賽都好,係要量力而為。

「批評」

當然要封路搞單車節好多人都會批評,就好似每年嘅馬拉松一樣。其實都係一日半日,仲要係假日,但係就容不下嚟啲活動。係香港踩單車已經難,都只不過係一個朝頭早嘅比賽。難得有咁多人參加,而且係一個無車嘅情況下踩單車,真係好難得。如果唔係大部份嘅都係本地嘅比賽先至會封路,而真係有幾多人會經常去參加比賽?其實好多都只係當係一種日常運動啫。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]