雞定蛋


個人分享
Tagged With: , , , , , , , , ,

「數據」

好多時我都會話雞先定蛋先,因為數據就係咁。要利用數據就先要收集數據,要收集數據就先要有明確嘅目的,要有明確嘅目的先要知道點解要利用數據。無數據就無得分析,所以又係一個雞同雞蛋嘅問題。但係唔知點解而家係又大數據,唔係又大數據,個個都只係得個講字,而究竟有幾多人真係認識大數據嘅應用,真係好難講。究竟係學術層面,定係商業層面?講到尾係要解決到問題先至得!

「問題」

好多嘢都真係牽涉到雞同雞蛋嘅問題,今年除咗講大數據之外,大部份嘅人都會討論人工智能。但係如果無人類嘅智慧咁又點會有人工智能?所以問題就返去有雞先定蛋先嘅問題。人工智能係由海量嘅數據組成,而數據係由我哋衍生出嚟,所以如果無人去研發人工智能嘅話,咁就唔會有人工智能嘅出現。而家郁啲都掛數據係嘴邊,有時真係唔知啲人想點。

「雞蛋」

咁究竟係有雞先定有蛋先?嚟個係一個古老難題,而嚟個問題終於有個答案。一位英國科學家係超級電腦協助研究下,發現雞蛋殼嘅形成全靠一種只會存係母雞卵巢內嘅蛋白質!因此足以證明必須先有雞,然後先至有蛋。英國設菲爾德大學同沃里克大學嘅科學家,利用愛丁堡大學嘅超級電腦,仔細觀察了一隻雞蛋嘅形成過程,發現蛋白質對雞蛋殼結晶嘅初步形成階段,起着關鍵作用。所以係有雞先嘅!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]