等等等


個人分享
Tagged With: , , , , , , , , ,

「等待」

其實我係一個好心急嘅人,最憎嘅就係等。如非必要真係唔好叫我排隊,就算係排都係一啲特別嘅原因。當然有人會話等待係耐性嘅一種,但係如果等待嘅回報唔係成正比嘅話,咁其實就係浪費時間。當然有時等到最後係得個吉,但係有時都真係無嘢可以做到,所以只可以等。當然有啲嘢係要堅持,而堅持係等待嘅一種。今年好多嘢都係身不由己,好多嘢都只可以等!

「機會」

好耐無試過咁忐忑不安,因為今個月係度等一個消息。一個連自己可以放下心頭大石嘅一個消息。不過等咗一個月到仲未有我想要嘅好消息,但係要做嘅嘢已經做咗,而家只可以等。如果等唔到嚟個好消息嘅話,真係唔知可以仲做啲乜,因為今年真係黑過墨斗,一啲好嘢都無。真係想唱張學友首歌:總有一天等到你!可唔可以快啲話比我知究竟幾時有結果呢?等,真係好折磨!

「清水」

人生就好似一杯清水!我們所遇到嘅事,想做嘅事就恍如茶包一樣。係一杯清水入面滲透著,慢慢將清水變成茶,而嚟個過程係需要時間,係需要等待,否則杯水依然係杯清水,係唔會有茶味!就算變咗色都好,其實都只係好表面嘅改變。而嚟樣嘢正正就好似我哋嘅人生,係一生之中,等待就證明了你有付出。與此同時又給予我哋機會去細心留意身邊嘅事物,或者嚟個就係等待嘅意義。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]