被遺忘


個人分享
Tagged With: , , , , , , , , ,

「事物」

其實好多時好多嘢都係被遺忘,正確啲講係因為生活同時間導致被遺忘。就算幾大件事都好,每個人都會因為生活而忘記咗某啲事同物。雖然係嗰一刻嚟講係好緊要,但係慢慢經過時間洗禮,每日忙碌嘅生活,好多時不經不覺就已經忘記咗。只不過當有一日再遇到某啲事同物,嚟啲記憶又會再一次被勾起,只不過再重唔重要?當然無一個絕對嘅答案,因為每個人都唔同!

「遺忘」

人始終係善忘嘅,就算係一啲重要嘅議題,只要有其他嘢事件發生,就算原本好似好嚴重嘅事都好快被忘記。有幾多人會繼續堅持?有幾多人選擇性忘記?有幾多人根本唔再在乎?又或者其實有啲更重要嘅嘢要去關注同處理?所以好多嘢係好容易被遺忘,如果無人堅持嘅話其實真係無人會再提起。因此將嚟啲事件記錄落嚟,之後隔幾多年都好,最起碼唔會忘記。

「人生」

當然除咗事同物會俾人遺忘之外,其實人都係好容易會被遺忘。尤其係當一個人離開咗嚟個世界上,有幾多人真係可以流芳百世?唯一仲會記得嘅人都應該只有最親嘅人。除此之外當一個人離開一間公司之後,正所謂人走茶涼,就算你對公司再有貢獻都好,好多時亦都會被遺忘。所以有時亦會問,究竟咁勤力做嘢為啲乜?因為到最後都唔會有人記得你曾經做過嘅嘢!


Also published on Medium.

Comments are closed.