電話咭


個人分享
Tagged With: , , , , , , , , ,

「旅行」

相信依家好多人去旅行都唔可以唔上網,但係應該唔會有人會俾得起咁昂貴嘅漫遊數據費,所以通常都會租一隻蛋去旅行方便上網。只不過有時幾個人去旅行,如果得一隻蛋嘅話,只要離開咗個接收範圍,基本上就無辦法上網。因此好多人而家就會預先買定一啲數據電話咭,但係啲電話咭真係五花八門,花多眼亂。究竟點樣揀都真係需要小小時間去了解。

「上網」

記得早前聽電台節目嘅時候,森美問過究竟啲外遊數據電話咭點嚟。相信好多人都有同樣嘅問題,點解係鴨寮街會有咁多外遊電話咭賣?究竟佢哋係邊度攞啲貨返嚟,仲有好多都係有限期,如果買唔去咁點呢?驟眼睇相信成本應該唔係好貴,所以或者只要賣到一個小數目就已經有錢賺。但係嗰啲電話咭嘅質素真係非常參差,不過點都好過俾昂貴嘅漫遊費!

「需要」

有時去旅行真係需要上網,最緊要嘅就當然係地圖啦。就算蕩失路都可以開個地圖出嚟,同埋而家好多嘢都要上網搵資料,所以如果上唔到網就真係幾唔方便。如果用蛋嘅話,走失咗都幾麻煩,因為一個有得上網,另外嗰個上唔到,到時真係想搵都搵唔到!所以而家多咗人買電話咭多過租蛋。不過真係搵咗好耐,都真係唔知佢哋啲咭點搵返嚟同點樣賺錢!


Also published on Medium.

Comments are closed.